Deputeti Lulzim Basha, ish-kryetar i PD, gjatë një takimi me të rinj dhe të reja në Tiranë, tha se rinia shqiptare është aktive.
Basha tha se në zgjedhjet e fundit morën pjesë vetëm 13 % e votuesve që ushtronin të drejtën e votës për herë të parë. Ai kërkoi nga politika që të analizojë sepse të rinjtë dhe të rejat bojkotuan zgjedhjet.
“Po pse ndodhi kjo? Jam takuar me të rinj dhe të reja që duan të emigrojnë. Po pse po largohen nga vendi?”, tha Basha.
Në vijim ai shtoi se në zgjedhjet e fundit nuk kishte një ofertë, por një tallava, një shfaqje, që nuk ofron asgjë për të zgjidhur problemet e qytetarëve.
Në një moment gjatë bashkëbisedimit, ai pohoi se ka dhënë dorëheqjen si kryetar i PD-së, ndërsa nuk është në dijeni për nisjen e ndonjë fushate.
“Do kemi kohë edhe për të tjera, sot jam Lulzim Basha, zoti Basha, më quani si të doni”, u shpreh ai.
Ai tha se politika i thërret të rinjtë dhe të rejat jo për hallet e njerëzve, por për hallet e politikës.
“Kjo është arsyeja që të rinjtë dhe të rejat në zgjedhjet e fundit folën me heshtjen e tyre”, tha Basha. Sipas tij, në Shqipëri riciklohet e vjetra dhe nuk u hapet rrugë të rinjve.
Discussion about this post