Ish-kryeministri Sali Berisha e priti radhën e fjalës në parlament i ulur në karriget e deputetëve socialistë. Në fjalën e tij, Berisha sqaroi dhe simbolin e këtij veprimi të pazakontë.
Ish-kryeministri theksoi se qëllimi i këtij gjesti ishte për t’i treguar socialistëve se avokatët e interesave të tyre janë demokratët pasi qeveria ka dështuar në çdo aspekt.
“Jo rastësisht për herë të parë unë prita i ulur në një karrige të deputetëve socialistë, e bëra këtë me qëllimin për t’i thënë socialistëve shqiptarë se avoketër të vetëm në këtë parlament të të drejtave të tyre janë demokratët. Do jemi zëdhënës të qytetarëve shqiptarë pa dallime politike. Unë dëgjova këtu diskutime, por sot koha është për veprime. Këta janë nga mëngjesi deri në dark të angazhuar në dy aktivitete kryesore në mashtrimin tuaj dhe në vjedhjen tuaj. Koha ka ardhur që ne kësaj qeverie t’i tregojmë vendin. Jam këtu për t’i bërë thirrje të gjithë mësuesve të mbrojnë interesat e tyre, të mbrojnë përçmimin e regjimit. Janë të vetmit mësues në rajon që nuk njohin rritje, por krahasuar me inflacionin ulje të ndjeshme të rrogës”, tha Berisha.
Discussion about this post