Blerja e klubit të Newcastle nga Fond i Investimit Publik Saudit, i kontrolluar nga princi i kurorës, së bashku me “PCP Capital Partners dhe RB Sports&Media, ka për të ndryshuar shumë gjëra në futbollin botëror. Qëllimi i “Magpies” është që të bëhen sërish një skuadër Championsi, siç ishte disa dekada më parë.
Duket se ky moment ishte parashikuar nga Antoine Griezmann, i cili në verë në një video të postuar në rrjetet sociale, mburrej për arritjet e tij të supozuara menaxheriale me Newcastle në video-lojën FM.
Griezman e shihte veten si trajner të Newcastle në 2027-ën, kohë në të cilën parashikonte të fitojë Premier League, FA Cup, Champions League, Community Shield dhe Super Kupën.
“Pesë tituj. Çfarë trajneri! Unë jam një legjendë e trajnerëve në futbollin anglez ”.-dëgjohet duke thënë francezi.
Më tej ai i thotë Mbappe: “Me Newcastle, unë të bleva për 134 milionë euro”, “Ku?” përgjigjet Mbappe.
Duket se sulmuesi i Atletico Madrid e ka parashikuar këtë moment ose mund të ketë pasur edhe informacion paraprak, në një kohë kur askush nuk e priste.
Rikujtojmë se hera fundit që ekipi verilindor ka fituar trofe në Angli ka qenë FA Cup në vitin 1955 kundër Manchester City-t në “Wembley”./K.T/Gijotina.com
