Dy turistë danezë, të cilët ishin bllokuar ditën e sotme në kanionet e Osumit, janë shpëtuar nga një shtetas shqiptar.
Mësohet se dy turistët, teksa ishin duke eksploruar zonën kishin ngecur në rrjedhën e lumit, ndërsa një i ri shqiptar i identifikuar si ‘Komi‘ u ka ardhur në ndihmë duke u shpëtuar jetën.
Në një video të publikuar nga JOQ, turistët shprehin mirënjohje për shqiptarin, teksa thonë se është djali më i mirë që kanë takuar në Shqipëri.
“Përshëndetje, ndodhemi këtu sepse kishim ngecur në kanion. Ne u shpëtuam nga ky djalë, Djali më i mirë që kemi takuar ai na shpëtoi jetën. Nëse nuk e besoni, hidhni një sy vetë se si është vendi. Ju bëj thirrje turistëve të kenë kujdes kur futen në kanion. Kontrolloni rrymën e ujit, motin dhe nivelin e ujit përpara se të hyni në kanion. Mos u fusni kurrë pa i kontrolluar këto kushte pasi mund të ndodhë ndonjë incident. Jemi të sigurt tani, faleminderit”, shprehen turistët.
Discussion about this post