Paulo Dybala shpërtheu në lot pasi shënoi një gol të mrekullueshëm kundër Sampdoria, teksa kapiteni i Juventus pësoi një dëmtim disa momente më vonë.
Reprezentuesi argjentinas e kishte hapur rezultatin pas 10 minutash në Allianz Juventus Stadium në Torino. Sidoqoftë, 10 minuta pas kësaj, ai u tërhoq papritur dhe menjëherë kuptoi se kishte pësuar një dëmtim muskulor.
Sezonet e fundit të Dybala janë dominuar nga dëmtimet muskulare dhe ai ishte dukshëm i hutuar në këtë dëmtim të fundit, duke e lënë fushën në lot, i ngushëlluar nga shokët e tij të skuadrës, përfshirë Federico Chiesa.
Ai u largua menjëherë, pa pritur që stafi mjekësor të kontrollonte, duke sugjeruar se ndjente diçka që ai e njihte shumë mirë.
Kjo do të thotë që Dybala është pothuajse me siguri jashtë përballjes së javës së ardhshme në Champions League me Chelsean, ndërsa Derbi i Torinos po vjen gjithashtu./K.T/Gijotina.com
