Studentë të Universitetit Privat “Luarasi”, në pronësi të familjes Hysenbelliu, kanë denoncuar publikisht dhe me pamje filmike kushtet e këqija në ambientet ku zhvillojnë procesin mësimor. Denoncimi ka ardhur nëpërmjet mediave online, ku studentët shprehin indinjatën e thellë për mospërputhjen mes tarifave të larta dhe standardeve të ofruara.
Pamjet e publikuara nga “JOQ” dhe dëshmitë nga studentët tregojnë një situatë alarmante brenda auditorëve të universitetit, i cili shquhet për tarifat e tij të larta:
Tavanet e auditorëve shfaqen qartësisht të kalbura nga lagështira. Sa herë që ka reshje shiu, uji depërton brenda klasave, duke e bërë të pamundur zhvillimin normal të mësimit. Ndërkohë, studentët janë detyruar të përdorin kova për të mbledhur ujin që rrjedh direkt nga tavani, me qëllim që të mbrojnë bankat dhe materialet e tyre mësimore.
Studentët, në denoncimin e tyre, kanë vënë theksin te raporti i shpenzimeve me cilësinë e ambienteve:
“Universiteti ‘Luarasi’, pagujmë 3 mijë euro me këto kushte (sa herë bie shi nuk janë marrë asnjëherë masat).”
Në një institucion ku tarifat vjetore variojnë nga 1000 euro deri në mbi 3000 euro, kërkesa e tyre për kushte dinjitoze dhe standarde moderne duket e justifikuar.
Studentët nërdkohë janë shprehur të indinjuar nga mungesa e reagimit të drejtuesve të Universitetit “Luarasi” për të rregulluar këtë situatë që përsëritet.
View this post on Instagram
Discussion about this post