Deputeti i Partisë Demokraike, Dashnor Sula i është bashkuar nga parlamenti protestave të fermerëve në Lushnjë në lidhje me çmimin e qumshtit. Në mënyrë simbolike, deputeti shkoi në nisje të seancës plenare me dy bidona me qumësht. Teksa dha një deklaratë për mediat në mbështetje të fermerëve, Sula derdhi dy bidonat me qumësht mbi tapetin e kuq në hyrje të sallës së parlamentit.
Kujtojmë se blegetorët dhe prodhuesit e qumështit në Lushnjë zhvilluan të hënën një protestë në rrethrrotullimin e Savrës, ku kërkuan mbështetje për prodhimin shqiptar.
Pasi parakaluam me traktorës e punës, blegtorët vendosën që të derdhnin simbolikisht në rrugë gjithë prodhimin e qumështit të tyre. Ata kundërshtuan uljen me 30 lekë të çmimit të blerjes së qumshtit nga kompanitë përpunuese në zonë dhe kërkuan ndërhyrjen e shtetit për zgjidhjen e ngërçit të krijuar.
Discussion about this post