Kanë dalë detaje të reja në lidhje me aksidentin zinxhirë pranë zonës së quajtur “Kthesa e Murrashit” në aksin Librazhd-Elbasan. Mësohet se në aksident janë përfshirë 6 makina dhe një trajler. Nga të dhënat parapraket mësohet se trajleri ka qenë duke udhëtuar dhe i ka plasur goma, gjë që e ka devijuar nga rruga. Gjithashtu mësohet se shoferi i trajlerit që u përfshi në aksident, ka thënë për ABC, se sapo ka plasur goma e parë, traileti i ka ikur anash. Ai thekson se rruga e keqe ka ndikuar tek plasja e gomës.
“Plasi goma e parë dhe më mori zvarrë. Shyqyr që nuk kishte viktima. Rruga e keqe, ndaj plasi goma.” tha shoferi.
Si pasojë e devijimit të trajlerit nga rruga, në këtë aksident zinxhirë janë përplasur edhe 6 makina të tjera. Deri më tani është raportuar vetëm për një vajzë të plagosur e cila është dërguar për ndihmë mjekësore në spitalin rajonal të Librazhdit. Ndërkohë tronditje kanë pasur edhe shoferët e makinave të përfshira në këtë aksident. Si pasojë e përplasjes masive, është krijuar një trafik kilometrik i rënduar, ndërsa pritet hapja e qarkullimit nga ana e policisë.
Discussion about this post