Policia e Elbasanit ka vënë në pranga një 36-vjeçar, i cili dyshohet se dogji me benzinë një automjet të parkuar në lagjen “Aqif Pasha”, një javë më parë. Ngjarja fillimisht u raportua si aksidentale, por pas hetimeve, rezultoi se autori i dyshuar është 36-vjeçari me iniciale G. M., i dënuar më parë për disa vepra penale. Nga përhapja e flakëve u dogj pjesërisht dhe një automjet tjetër i parkuar aty pranë.
“Bazuar në provat e administruara dhe në inteligjencën policore, kanë organizuar dhe finalizuar operacionin policor të koduar “The last fire”. Si rezultat i operacionit u arrestua në flagrancë shtetasi G. M., 36 vjeç, banues në Elbasan, i dënuar më parë për disa vepra penale. Nga veprimet hetimore dyshohet se 36-vjeçari, më datë 23.01.2025, gjatë natës, në lagjen “Aqif Pasha”, për motive të dobëta, ka djegur me lëndë djegëse (benzinë), një automjet të parkuar, në pronësi të shtetasit S. M. Nga përhapja e flakëve u dogj pjesërisht dhe një automjet tjetër i parkuar aty pranë”, njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprën penale “Shkatërrimi i pronës me zjarr”, shtuan të njëjtat burime.
Discussion about this post