Një trafikant droge, i cili ndërtoi pasurinë e tij duke shitur heroinë dhe kokainë u vu në pranga nga policia angleze, pasi ekspozonte jetën e tij të shtrenjtë, duke e bërë që të hetohet nga organet kompetente. Mansoor Kiani, 28 vjeç, u pa duke derdhur shampanjë mbi orën Rolex në një klub në Knightsbridge, teksa mësohet se ai është dënuar me 15 vjet e gjashtë muaj burg.
Pasuria e pashpjegueshme dhe sendet e shtrenjta të blera me para në dorë janë tregues kyç se dikush mund të jetë i përfshirë në krimin e organizuar.”- tha detektivi Tom Stean. Ai tha se njerëzit mund të ndihmojnë në arrestimin e kriminelëve duke raportuar çdo shqetësim dhe skena të ngjashme.
Ai u arrestua në nëntor pasi policia goditi sistemin si pjesë e operacionit më të madh të zbatimit të ligjit në Mbretërinë e Bashkuar ndonjëherë nga Policia e Bedfordshire, Operacioni Costello, i cili filloi në pranverën e 2020. Pas një gjyqi tre-ditor në Gjykatën e Luton Croën, ai u shpall fajtor dhe u dënua me 15 vjet e gjashtë muaj pas hekurave. Në gjyq u shfaqën video të Kianit duke shfaqur pasurinë e tij të paligjshme dhe duke u vozitur me një Ferrari, si dhe videot e tij në klubin e natës në Londër. 28 vjeçari nga Lutoni, u përpoq të fshihte aktivitetet e tij të trafikut të drogës duke përdorur një sistem komunikimi telefonik të koduar të quajtur EncroChat.
Discussion about this post