Publikohen pamjet e aksionit të Policisë së Vlorës, e cila sekuestroi 260 kg drogë, e cila ishte fshehura në dy kampera turistësh.
Policia thotë se të arrestuarit janë 4 shtetas rumun: Marius Cimpeanu, Mihaela Cimpeanu, Florin Tucan dhe Andreea Pislaru.
Grupi hetimor ka nisur punën për zbardhjen e plotë të aktivitetit të këtyre personave, të cilët nën maskimin si turistë kryenin transport droge. Sasia e lëndës narkotike ishte ndarë në pako dhe gati për treg.
“Pamjet e megaoperacionit policor antidrogë të koduar “Camper”, si rezultat i të cilit u sekuestruan 260 kg lëndë narkotike kanabis dhe 2 automjete camper që ishin përshtatur me vende të fshehta, për të transportuar lëndë narkotike.
4 shtetas (2 të rinj dhe 2 të reja) me shtetësi rumune u vunë në pranga, 5 shtetas të tjerë u shpallën në kërkim. Megaoperacioni vijon’, tha policia.
Discussion about this post