Dy turistë janë aksidentuar në Syrin e Ciklopit, gjatë eksplorimit të natyrës.
Ngjarja ka ndodhur sot, rreth orës 16:30 ku turistët e identifikuar me iniciale D. K., 50 vjeçe dhe K. K., 80 vjeç, dyshohet se kanë rënë nga lartësia, në një zonë me terren shumë të vështirë.
Shërbimet e Komisariatit të Policisë Nr. 1, sapo janë njoftuar, kanë organizuar punën me qëllim nxjerrjen e tyre nga vendi ku ishin rrëzuar.
Falë ndërhyrjes së shërbimeve të Policisë, shërbimit mjekësor dhe emergjencave është bërë e mundur nxjerrja e 2 shtetasve të dëmtuar, dhe dhënia e ndihmës së parë.
Duke vlerësuar rrezikun për transportimin e të dëmtuarve me barrelë, nga vendi ku kishin rënë, deri te ambulanca, është bërë e mundur që me një helikopter, të transportohen për në Spitalin e Traumës.
Discussion about this post