Publikohet videoja e plotë prej 13 minuta e skandalit ‘Safet Gjici’.
Gazetari Artan Hoxha ka publikuar videon e plotë prej 13 minuta të skandalit ‘Gjici’.
Në videon e publikuar nga Hoxha tregohet se si Alma K., për 13 minuta mbaron punë me Safet Gjicin dhe siguron edhe projektin për kastrimin e qenve të Kukësit.
Hoxha ironizon edhe shpejtësinë e veprimeve të administratës së bashkisë së Kukësit, që përfundon të gjithë procedurën që nis në zyrën e Gjicit dhe përfundon me dorëzimin e letrave dhe marrjen e tenderit që do financohej nga qytetarët e Kukësit.
SPAK zbarkoi këtë të hënë në ambientet e Bashkisë së Kukësit ku sekuestroi serverin e kamerave të sigurisë, por edhe dokumente të ndryshme.
Sekuestrimet janë bërë në kuadër të hetimit që po kryhet për shpërdorim detyre ndaj ish-kryebashkiakut Safet Gjici, i cili u përfshi në skandal, pas publikimit të një video ku ai shfaqet duke kryer marrëdhënie seksuale me një grua tashmë të identifikuar.
Oficerët e Byrosë Kombëtare të Hetimit qëndruan për afro 30 minuta në Bashki dhe pasi morën kontakt me punonjësin e IT-së, bënë sekuestrimin e serverit.
Discussion about this post