Ditën e sotme, policia e Pogradecit, njoftoi vetëvrasjen e një vajze 12-vjeçare, e cila u gjet e varur në kasollen pranë shtëpisë. Ngjarja është tepër e rëndë, duke menduar edhe moshën e viktimës. Nuk dihet ende se çfarë e ka shtyrë të miturën të marrë këtë veprim ekstrem, por adoleshentët shqiptarë, prej kohësh kanë si plagë, bullizmin dhe dhunën mes tyre.
Nuk do ishte aspak çudi që ky të ishte dhe shkaku i vetëvrasjes së kësaj 12-vjeçareje, që sot nuk është më pranë prehrit të prindërve.
E teksa nuk bëmë dot asgjë për të ditur se çfarë e mundonte të miturën, së fundmi në redaksinë e JOQ ALBANIA kanë mbërritur disa pamje, ku katër vajza të mitura dhunojnë një bashkëmoshataren e tyre. Gjithashtu ato e filmojnë, që nesër të tallen me të, duke i krijuar kështu një presion psikologjik, që mund ta shtyjë të miturën e dhunuar të marrë vendime ekstreme.
Ky është qëllimi i këtij lajmi. Të parandalojmë atë që mund të ndodhë nesër. T’i qëndrojmë pranë të miturës së dhunuar. I bëjmë thirrje policisë të reagojë menjëherë dhe psikologët të shkojnë pranë vajzës së dhunuar. JOQ ALBANIA është e gatshme të vërë në dispozicion pamjet pa censurë të kësaj dhune.
Dhunohet nga shoqet e mitura në Vlorë! pic.twitter.com/JrpacvNPLs
— JOQ Albania (@JoqAlbania) August 22, 2023
Discussion about this post