Lirim Kastrati duket se është ambjentuar shumë mirë te Legia, ku golat nga ai nuk po mungojnë.
Sulmuesi kosovar, ka arritur të shënojë edhe kundër Suwalki në ndeshjen e Kupës së Polonisë, ku Legia fitoi 3-1.
Kastrati e ka nisur këtë takim si titullar, ku pjesa e parë u mbyll në barazimin 1-1.
Në pjesën e dytë, pikërisht në minutën e 65-të, ai përfitoi nga një moment i dobët i portierit kundërshtar i cili u vonua të gjuajë, duke ia zënë goditjen për ta dërguar topin në rrjetë.
Kastrati duket se shumë shpejtë është kthyer në njërin prej lojtarëve të preferuar të Legia, ku duhet përmendur se këtë takim ka luajtur deri në minutat e fundit, ku në minutën e 89’ puna e shqiptari u vlerësua si e mjaftueshme nga trajneri, për ta tërhequr më pas nga fusha.
