Në një banesë në Pogradec janë gjetur dy armë zjarri. Kanë qenë disa fëmijë të mitur të cilët në lagjen “Kala” kanë gjetur dy armë të tipit model 56, kalibër 7.62mm në një banesë të mbyllur. Mësohet se pronari i kësaj banese i identifikuar me iniciale F. I., jeton prej vitesh në Angli.
Dyshohet që armët të jenë hedhur në oborrin e shtëpisë, pasi ngjitur me shtëpinë është një rrugicë që ngjiten dhe zbresin banorët e lagjes. Sakaq pritet që kamerat e një banese pranë, të zbulojnë autorin që i ka hedhur dhe motivet e këtij veprimi. Policia sapo mbërriti në vendngjarje dhe nis hetimet.
Ndërkohë policia ka sekuestruar pamjet filmike të një kamere sigurie në afërsi të banesës ku janë gjetur dhe dy pushkët model 56. Mësohet se armët do të dërgohen për ekzaminim balistik nëse mund të jenë përdorur në ndonjë ngjarje. Banesa e shtetasit F. Ibi ndodhet në një lagje periferike të qytetit të Pogradecit pranë një rruge kalumtarësg e njohur si lagjja e Kalasë.
Ndërkohë kohët e fundit ka pasur edhe kontrolle të policisë në këtë lagje për armë dhe nga frika mund të jenë hedhur pikërisht në këtë banesë.
