Trajneri i Brazilit, Tite publikoi listën me 26-futbollistët e grumbulluar për në Botërorin e Katarit, event që starton më datë 20 nëntor. Kur trajneri publikoi listën, shumë futbollistë të ekipit brazilian e kanë festuar këtë moment tepër të rëndësishëm për ta.
Pjesë e listës ishte Richarlison, sulmuesi i Tottenham. Në fakt, për Richarlison pati dyshime të mëdha duke qenë se pësoi një dëmtim me skuadrën angleze dhe javët e fundit ka qëndruar jashtë fushave.
Tite beson te sulmuesi dhe rikuperimi i tij i plotë për në Botëror ndaj vendosi ta grumbullonte. Por, Richarlison nga ana tjetër, kishte dyshime deri në fund dhe në momentin që mësoi se emri i tij ishte pjesë e listës së Selecao, nuk u përmbajt duke festuar me njerëzit e tij më të afërt.
Njëri prej të grumbulluarve ishte dhe sulmuesi i Mançester Junajtid, Antoni, i cili do të luajë kampionatin e tij të parë Botëror në karrierën e tij.
Në momentin kur ai dëgjoi emrin e tij, Antoni së bashku me pjesëtaret e tjerë të familjes filluan të kërcenin nga gëzimi dhe më pas sulmuesi përqafoi të atin teksa nuk arriti dot t’i ndalte lotët.
View this post on Instagram
Discussion about this post