Një grumbull hekurash është gjithçka që ka mbetur nga makina me të cilën udhëtonin 8 persona, e që doli nga rruga në Këlcyrë, duke përfunduar buzë Vjosës. Ngjarja tragjike ndodhi mëngjesin e sotëm, teksa shoferi i makinës tip “Benz”, Edison Bregaj po transportonte 7 emigrantë të paligjshëm. Të gjithë personat në bordin e mjetit mbetën të vdekur.
Dyshohet se në momentin që ka parë dy policë që patrullonin zonën, 24-vjeçari shkodran është larguar me shpejtësi. Më tej, dyshohet se ka humbur kontrollin mbi drejtimin e mjetit dhe pas një fluturimi në ajër për rreth 200 metra ka përfunduar në anë të lumit të Vjosës.
Shtatë personat e tjerë ende nuk janë identifikuar. Siç shihet edhe në pamje, pranë makinës ndodhet një çantë me bukë. Një atlete dhe sende personale që dyshohet se u përkasin viktimave.
Policia bëri me dije se makina e aksidentit ishte marrë me qira në Shkodër nga Agustin Gjepa, 26 vjeç. Ky i fundit është shoqëruar për tu marrë në pyetje lidhur me rastin.
Discussion about this post