10 persona janë vënë në pranga gjatë një operacioni policor kundër trafikut të armëve dhe drogës nga Kosova në Shqipëri ndërsa 2 ë tjerë janë shpallur në kërkim.
Burime zyrtare nga policia konfiarmuan se: Në kuadër të operacionit të koduar “Puzzle bazuar në informacionet e siguruara nga hetimi për disa shtetas që dyshohej se trafikonin armë zjarri, kryesisht nga Kosova në Tiranë, me qëllim shitjen, janë vënë në pranga shtetasit: Emirel Tusha, Leandro Haxhiaj, Fabricio Berberi, Rikardo Hajdaraj, Visar Murati, Kevin Farruku, Geraldo Muraj, Adriano Shehu.
Gjithashtu, u shpallën në kërkim: Altin Pajaziti dhe Kadri Prushi.
Nga hetimet dyshohet se këta persona, pasi siguronin armë zjarri kryesisht në Kosovë por dhe në qytete të ndryshme të Shqipërisë, i sillnin ato në Tiranë, për t’i shitur.
“Gjatë periudhës hetimore, në kuadër të këtij procedimi, më datë 01.04.2025, janë ndaluar shtetasit A. P dhe K. P., pasi u kapën në flagrancë me 2 armë zjarri, të dyshuara të trafikuara nga Kosova, me qëllim shitjen në Tiranë. Në vijim të veprimeve, gjatë kontrollit të banesës së shtetasit K. F, shërbimet e Policisë gjetën e sekuestruan 2077 fara kanabisi”, njoftoi policia.
Punohet për kapjen e shtetasve në kërkim dhe për dokumentimin e plotë të kësaj veprimtarie kriminale, shtuan të njëjtat burime.
Grupi kriminal një pjesë të armëve i merrte nga Kosova, ku në kufi kalonin me vetura të vogla, në disa rrugë kalonin sasi të vogla armësh.
Grupi nuk trafikonte armë vetëm nga Kosova për t’i shitur në Shqipëri por kishte baza edhe në vendin tonë.
Në këtë operacion një rast është zbuluar një bazë nga policia në Burrel, po ashtu ky grup është goditur nga policia duke shitur armë edhe në Shkodër dhe Laç.
Çmimet e pistoletave që shisnin varionin nga 1500 deri në 2500 euro. Armët që grupi kriminal shiste ishin pistoleta, edhe të llojit Glock dhe automatikë.
Discussion about this post