Cristiano Ronaldo eliminohet në gjysmëfinale të Superkupës së Arabisë Saudite. Skuadra e Al Nassr, ku portugezi është transferuar në ditët e para të janarit, është mundur 3-1 nga Al Ittihad në sfidën e luajtur në “King Fahd International Stadium”.
CR7 luajti titullar madje edhe me shiritin e kapitenit në krah, por nuk mundi të bënte diferencën në ekipin e drejtuar nga francezi Rudi Garcia.
Al Ittihad shënoi dy herë gjatë pjesës së parë, në minutën e 15-të me Romarinhon dhe në fundin e këtij fraksionin me Hamdallah.
Al Nassr e shkurtoi diferencën me Taliscan në minutën e 67-të, por vetëm kaq, Al Ittihad u mbrojt mirë në minutat e mbetura, madje shënoi të tretin në shtesë me Shanqeetin, duke siguruar fitoren dhe finalen, që do ta luajë kundër Al Feiha (mposhti 1-0 Al Hilal).
Discussion about this post