VIDEO/ Gol dhe asist para Europianit, Daku i dërgon mesazh Silvinhos

në Sport

Kohë leximi: 2 min

Mirlind Daku ia ka dalë të shënojë gol dhe asistojë në Rusi me Rubin Kazan, në ndeshjen e kampionatit që ekipi i tij po fiton 2-0 ndaj Akhmat Grozny.

Në minutën e 12-të shërbeu bukur për Randjelovic në qendër të zonës, i cili e pati të lehtë ta shtyjë topin në rrjetë.

Në të 35-ën Daku ia doli të shënojë vetë, duke gjetur kështu golin e parë për vitin 2024 me Rubin Kazanin dhe të pestin sezonal.

Sulmuesi kontribuoi për kuqezinjtë gjatë eliminatoreve, por nuk u grumbullua për miqësoret e marsit ndërsa shpreson që të shënojë sa më shumë gola dhe të luajë sa më shumë minuta të jetë e mundur, në mënyrë që të bindë Sylvinho për t’a ftuar për në Kampionatin Europian që mbahet në verë.

Për futbollistin kuqezi, ky ishte goli i parë i tij gjatë vitit 2024. Në kampionat, ai numëron 5 gola.