Goli i Arbnor Mujës përballë Shkakhtar Donetsk në “Champions League” është shpallur goli më i bukur i muajit tetor nga tifozët e Antwerp.
Ai gol i shënuar nga sulmuesi me origjinë nga Mitrovica në ndeshjen e vlefshme për raundin e dytë të fazës së grupeve së Ligës së Kampionëve ka fituar zemrat e tifozëve duke marrë dhe këtë çmim për muajin tetor.
Pasi merr një pasim nga hyrja e zonës, Muja hedh në tokë një nga kundërshtarët dhe më pas godet me të majtën. Topi shkon në një kënd që është i pakapshëm për portierin kundërshtar.
Kujtojmë që sulmuesi 24-vjeçar është pjesë e Kombëtares në ndeshjet që kuqezinjtë do të luajnë përballë Moldavisë më 17 nëntor dhe Ishujve Faroe më 20 nëntor.
Ky çmim i fituar nga Muja shpresojmë të jetë dhe një motivim që të gjejë rrugën e rrjetës dhe me fanellën kuqezi.
Discussion about this post