Armando Sadiku, sulmuesi shqiptar, është bërë protagonist për skuadrën e tij Mohun Bagan në ndeshjen kundër East Bengal, takim ky i vlefshëm për elitën në futbollin indian.
Sulmuesi shqiptar shënoi në minutën e 17-të, pas një asisti të Hamill. Krosimi i këtij të fundit u shfytëzua në maksimum, me 32 vjeçarin Sadiku që pavarësisht dendësisë së lojtarëve kundërshtarë në zonë, “vodhi” kohën dhe “tundi rrjetën”.
Për futbollistin ky është goli i katërt në kampionat. Deri më tani, ai ka luajtur 11 ndeshje, sakaq ka dhuruar edhe një asist. Për Armando Sadikun është sezoni i parë në Indi, teksa më parë ka provuar kampionate të ndryshme si Poloni, Spanjë, Zvicër dhe Turqi.
Discussion about this post