Arion Gjergo, personi që ka vjedhur pacientët e sëmurë brenda Qendrës Spitalore Universitare Nënë Tereza ka kryer edhe vjedhje të tjera. Janë publikuar pamje të tjera ku shihet se 37-vjeçarit nuk i duhet shumë kohë për të kryer nje vjedhje në market. Ai shihet që thyen xhamin dhe brenda tre minutave arrin të mbushë çantën me gjërat që gjen në arkën e marketit.
Gjergo aktivitetin e tij e kishte shtrirë edhe në urgjencën e QSUT-së. Hetimet zbuluan se 37-vjeçari shtirej si pacient dhe duke përfituar nga urgjencat mjekësore, kryente vjedhje të sendeve personale të pacientëve, që shkonin për të marrë mjekim dhe për të kryer vizita mjekësore.
Discussion about this post