Një çift që po kryenin marrëdhënie seksuale në sediljen e pasme të makinës së tyre pësuan një ndërprerje ‘të pafat’ kur një grup grabitësish i morën makinën dhe i lanë të zhveshur në rrugë. Ngjarja e pazakontë u kap nga kamerat e sigurisë në Brazil më 17 gusht, teksa mjeti ishte parkuar në një rrugë të qetë qytetare.
Tre figura të errëta shihen që i afrohen makinës nga prapa megjithëse rruga dukej e ndriçuar më së miri. Ata hapin me forcë dyert e makinës ndërsa një prej grabitësve ulet në timon dhe tjetri në sediljen e pasagjerit.
Në pamje shihet gjithashtu një krah i dëshpëruar që zgjatet nga brenda duke tentuar më kot të mbyllë derën për të ndaluar grabitjen. Ndërsa pas dëbimit të të zotëve të zhveshur në rrugë, një grabitës i tretë ulet në sediljen e pasme dhe ‘me dashamirësi’ u hedh atyre disa veshje që gjeti në makinë.
Makina e vjedhur më pas nis të largohet ndërsa dashnorët e hutuar tentojnë të veshin disa nga veshjet që kishin për të mbuluar trupin.
Discussion about this post