VIDEO/ Grantet për start up-et, si formë qokash për të njohurit

Grantet e Start Up-eve kanë qenë në fokus të investigimit të radhës së “Piranjave”.

Gazetarët e emisionit investigativ kanë ndjekur disa nga rastet flagrante të dhënies së këtyre granteve në bazë preferencash dhe në konflikt të pastër interesi.

Rasti i një familjeje (babai, djali dhe vajza) të cilët kanë perfituar mbi 50 milion lekë apo rasti flagrant i përfitimit të grantit për start-up nga djali i drejtorit të FSHZ, janë denoncuar në minutazhin e temës për start up-et. Ndërsa raste të tjera skandaloze, publikohen në këtë investigim, disa prej tyre pa asnjë lidhje me inovacionin, një kusht bazë për dhënie granti, siç është rasti i një të riu që ka përfituar 11 milionë lekë për publikim videosh nga atraksionet turistike të veriut. Një pasion që e kanë mijëra të rinj të këtij vendi.

Piranjat presin përgjigje për këto raste nga Ministrja për Sipërmarrjen, znj. Edona Bilali.

https://www.youtube.com/watch?v=JIZif6B2TXo

Për këtë investigim ka reaguar dhe eksperti i IT, Gent Progni i cili me një postim në rrjetin e tij social facebook, ka dhëne detaje të tjera.

“Shume e bukur kjo , PROTIK qe financohet nga AADF dhe po i njejti i PROTIK vlereson se kush duhet te marre fonde per START-UP ja jep AADF . Ore pse pyesni pse ikin shqiptaret ? Kur ne qe punojme prej 20 vitesh ne TECH nuk marrim as ftese per tu bere pjese e jo me te fitojme me gjith kte transparence dhe fair-play qe paska ktu … Pastaj mos te leme pa permendur qe kto start-UP nuk i shohim me pas 6-7 muajsh sepse i mbyllin faqet e webit.” – është shprehur ai./piranjat.al.