Një ngjarje e pazakontë është shënuar në një linjë avioni që ishte nisur për fluturim drejt Brazilit. Më shumë se 15 gra të ndara në dy grupe u përleshën me njëra-tjetrën teksa pasagjerët shkonin të hutuar. E menjëhershme ka qenë ndërhyrja e stjuartesëve të cilët u gjendën në mes të sherrit në përpjekje për t’i ndarë.
Skenat kaotike janë shkaktuar në një fluturim të Gol Airlines. Përleshja nisi ndërsa pasagjerët po prisnin të niseshin nga Aeroporti Ndërkombëtar i Salvadorit në Bahia me destinacion aeroportin Sao Paulo-Congonias në Brazil. Incidenti thuhet se nisi mes dy familjeve pasi një nënë pyeti një pasagjer tjetër nëse mund të ndërronte vendet me fëmijën e saj, i cili ka nevoja të veçanta. Por kur kërkesa e nënës u refuzua, ajo u zemërua dhe filloi të sulmonte pasagjerin tjetër.
Në video shihet një grua me flokë kaçurrela duke tentuar të kërcejë mbi sedilje për të arritur një pasagjer tjetër. Por ajo ndalohet nga një stjuardesë mashkull dhe brenda pak sekondash, një tjetër pasagjere që bërtet vrapon drejt gruas dhe fillon t’i tërheqë flokët dhe ta godasë.
Një grua tjetër, e cila kishte veshur një bluzë të bardhë, shihet duke i tërhequr flokët kaçurrela. Mirëpo, gjatë përleshjes, i është shkëputur pjesa e sipërme dhe ajo ka mbetur topless në korridor, duke vënë duart në gjoks për ta mbuluar. Ekuipazhi arriti të vinte nën kontroll grupin dhe 15 pasagjerë u shoqëruan nga avioni i cili u nis për në destinacionin e tij pas gati dy orësh vonesë.
Discussion about this post