Pep Guardiola ka analizuar Lionel Messin në hapat e një ndeshjeje dhe tregon metodën që qëndron pas gjenialitetit të tij.
Messi nuk është maksimalisht aktiv në minutat e para të një ndeshje, por ka një arsye të shkëlqyer pas kësaj taktike të zgjuar.
Gjashtë herë fituesi i ‘Topit të Artë’ sillet nëpër fushë për të kuptuar kundërshtarin e tij, duke parë dobësitë për t’i shfrytëzuar më vonë në lojë.
Këtë proces e ka shpjeguar me mjeshtëri ish-trajneri i tij Guardiola, i cili ka folur përmes një klipi të Messit në minutat e para të një prej ndeshjeve të Barcelonës kundër Real Madridit.
“Ai nuk është jashtë loje”,- tha trajneri i Manchester City-t, i cili shtoi se: “Ai është i përfshirë. Lëviz kokën. Djathtas, majtas, majtas, djathtas. Shikon kush është pika e dobët e katërshes së pasme, pas pesë, dhjetë minutash e ka hartën. Ai e di nëse lëviz këtu, këtu, do të kem më shumë hapësirë për të sulmuar”.
Ish-trajneri i Barçës theksoi më tej: “Oh, kjo është gjeniale! Kjo është shumë e pabesueshme. Ne jemi bashkëkohorë të atij djalit. Pra, kënaquni. Lionel Messi, thjesht i një lloji. Ai është shumë i mirë.”
Megjithatë duket se kalimi te Paris Saint-Germain nuk ka dhënë ende frytet e veta për argjentinasin, i cili më shumë ka qenë jashtë fushës së blertë./K.T/Gijotina.com
