Kryetari i Partisë së Lirisë, Ilir Meta thotë se hetimet për aferën e inceneratorëve janë duke u zvarritur. Në një postim të bërë në rrjetin e tij social Facebook, ish-kreu i Shtetit ka publikuar videon nga deklarata e tij dhënë sot për mediat, duke theksuar se vjedhjet vazhdojnë me vrapin e kangurit.
Më tej Meta thotë se ish-Lëvizja Socialiste për Integrim dhe tani Partia e Lirisë denoncimet për këtë aferë i kanë bërë me dokumente zyrtare.
“Që kur ka nisur denoncimi i kësaj afere edhe nga ish LSI dhe sot Partia e Lirisë edhe nga unë si President që para zgjedhjeve të 25 prillit, ne kemi dalë vetëm me fakte dhe dokumente zyrtare, vetëm me firma, vetëm me numra llogarie. Hetimet kanë ecur me hapin e breshkës, ndërkohë që vjedhjen vazhdon me hapin e kangurit”.
Kryetari i Partise se Lirise, Ilir Meta ne nje konference per mediat akuzoi qeverine dhe kryeministrin Edi Rama, se ‘ka vënë në dispozicion’ të skemës kriminale per inceneratoret “edhe pronat publike të cilat janë lënë peng në banka’.
Discussion about this post