Tifozët holandezë që kur kanë mbërritur në Tiranë kanë qenë më problematikët me sjelljet e tyre. Pas incidenteve të mbrëmshme me qytetarët dhe policinë, ata sërish vijojnë të krijojnë situata jo të këndshme.
Në videon e mbërritur në redaksinë e Gijotina.com, shihet se një tifoz i skuadrës holandeze ka ndezur një flakadan dhe e ua ka hedhur në këmbë disa tifozëve të tjerë që po kalonin aty pranë, në hyrje të Bulevardit.
Për t’i paraprirë ndonjë incidenti më të rëndë pas finales, Tirana është blinduar nga forca të shumta policia. Për të siguruar mbarëvajtjen e finales, në Tiranë kanë mbërritur forca policore me efektivë të Forcave të Ndërhyrjes së Shpejtë në rrethe por edhe të patrullave dhe të forcave Shqiponja. Mësohet se në total në terren do të jenë 2600 punonjës policie, përfshi edhe policinë e Tiranës.
Discussion about this post