Një video e çuditshme dhe me humor qarkullon në rrjet, ku vihet në lojë Ulsi Manja, ministri i Drejtësisë në Qeverinë Rama.
Në video, e postuar nga portale të ndryshme, por edhe në rrjet, shfaqen një grup të rinjsh afrikanë, të veshur me tuta ose pantallona rozë, që vallëzojnë.
Njëri prej tyre dëgjohet teksa në anglisht i “propozon” duke thënë “Ulsi, a do të bëhesh Shën Valentini im?”.
Më pas në sfond nis kënga e Hajredin Pashës.
Video ka krijuar reagime në rrjetet sociale. Nuk dihet nëse video humoristike është një lojë që bëhet në kuadrin e marrëveshjes për kampet e refugjatëve në Shëngjin, bazuar në marrëveshjen Rama-Meloni.
Marrëveshja parashikon që refugjatët afrikanë që do të kapen në brigjet italiane do të akomodohen në qendrat pritëse në Shëngjin të Lezhës, nga ku më pas do të përpunohen të dhënat e refugjatëve të paligjshëm, nga autoritetet italiane, që do të vendosin nëse do të pranojnë ose jo kërkesat e tyre për azil.
Discussion about this post