Lojtari i Chelseas, Mason Mount nuk do të jetë pjesë e skuadrës së Anglisë në ndeshjen kundër Kombëtares shqiptare që do të luhet më 12 nëntor në ‘Wembley’ për kualifikueset e Botërorit ‘Katar 2022’.
Ekipi i ‘Tre Luanëve’ vjen në këtë sfidë me mungesa pasi Southgate nuk do të ketë në dispozicion as Rashford e Shaw.
I fundit që u konfirmua se nuk do të jetë në takimin me ‘Kuqezinjtë’, Mount ka një infeksion në dhëmballën e pjekurisë. 22-vjeçari postoi një video në rrjetet sociale pas operacionit dhe shihej që kishte ënjtje në fytyrë.
“Po të më godisnin tani, as që do e ndjeja, nuk kam dhëmbë”- dëgjohej të thoshte lojtari në një video të postuar nga ai vetë.
Ndërsa theksojmë se edhe skuadra jonë nuk do të jetë e plotë, me Gjimshitin, Manajn dhe Balliun, të cilët janë të dëmtuar dhe Brojën që ende nuk dihet a do jetë në gjendje t’i bashkohet grupit./K.T/Gijotina.com
Discussion about this post