Video, i fuste emigrantët në bagazh për t’i kaluar në Kosovë, arrestohet 21-vjeçari nga Tirana

Policia ka njoftuar se ka arrestuar një 21-vjeçar, i cili ishte kapur duke transportuar në mënyrë të paligjshme emigrantë në drejtim të Kosovës.

Policia e Shtetit ka bërë publike një video të realizuar në vendin e ngjarjes, ku shihet se si në bagazhin e makinës të të dyshuarit janë gjetur emigrantët.

Në njoftimin e Policisë së Shtetit thuhet se i dyshuari nga Tirana e ka kryer këtë vepër penale kundrejt fitimi.

Materialet i kaluan Prokurorisë së Rrethit Gjyqësor Kukës, për veprën penale ‘Ndihma për kalim të paligjshëm të kufijve’.