Video – I maskuar dhe me thikë në dorë, 42-vjeçari grabit dyqanin

Një 42-vjeçar, i cili akuzohet si autor i grabitjes së parave në dy dyqane në Korçë, është arrestuar. Në pranga u vu Rudolf Laloti.

Policia ka publikuar edhe pamjet e një prej grabitjeve, ku autori i maskuar tenton të godasë shitësin e më pas merr paratë me shpejtësi e largohet.

“Ky shtetas dyshohet se më datë 12.10.2024, në lagjen nr. 1, Korçë, ka vjedhur një shumë parash në një dyqan, duke kanosur shitësin, me mjet prerës (thikë), ndërsa më datë 14.10.2024, pas mesnate, në lagjen nr. 7, Korçë, ka vjedhur me dhunë një shumë parash në një dyqan tjetër.   Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Vjedhja me dhunë””, njofton policia.

Të njëjtat burime shtuan se është sekuestruar një shumë parash e dyshuar e vjedhur, një mjet prerës (thikë), një përforcues grushti, një kapuç si maskë dhe veshjet që dyshohet se ka patur 42-vjeçari, gjatë vjedhjeve.