Shtatë sekonda i ka mjaftuar një personi në Shkodër që të vjedhë një automjet të parkuar.
Mjeti i vjedhur është Fiat Punto me targë AB 149 BT, ndërsa nga pamjet filmike të transmetuara në OraNews, shihet se makina është parkuar pranë një servisi në lagjen Baçallak.
Sipas pamjeve filmike një person me kapuç në kohë i maskuar dhe në dorë mban një çantë afrohet pranë makinës lë çantën në tokë dhe futët brenda.
Pak sekonda më pas ai del nga makina merr çantën e futet brenda ndez mjetin dhe ikën.
Nga hetimet dyshohet që çelësi i makinës Fiat ishte në kuadër.
Policia po verifikon kamerat e rrugës së Baçallëkut për të parë drejtimin e lëvizjes së makinës.
Po ashtu në fokus të kontrolleve janë edhe disa pika servisesh pasi ka dyshime për çmontim të disa pjesëve.
Discussion about this post