“I kam brenda unë të dyja duart… dhe ky është revolucion!” Këto qenë fraza që spikatën në deklarimin e kryeministrit Edi Rama një vit më parë, para Komisionit Hetimor Parlamentar të ngritur për çështjen e inceneratorëve.
Edhe ish-deputeti i PD-së, Belind Këlliçi, është dakord për herë të parë me Ramën në këtë pikë dhe ka nënvizuar me forcë sot se Rama bashkë me Veliajn “janë përgjegjësit e drejtpërdrejtë të vjedhjes së shekullit”.
Duke marrë shkas nga arratisja e zv.kryeministrit Arben Ahmetaj pak para arrestimit, si i korruptuar nga bosët e inceneratorëve, Belind Këlliçi shkruan në Fb krahas deklaratës së dikurshme të Ramës në video:
“Koka i inceneratorëve e pranon vetë që i ka të dyja duart brenda, në aferën që deri tani i ka marrë xhepave të shqiptarëve, 103 milionë euro. Për firmën që ka vendosur Edi Rama, zëvendësi i tij është në arrati sepse e presin prangat.
Ndërkohë në Tiranë, Erion Veliaj vijon të paguajë 80 mijë euro çdo ditë, inceneratorin që nuk ekziston.
SPAK i ka provat dhe faktet para syve. Kjo aferë zbulohet vetëm kur bosët e vërtetë të mbajnë përgjegjësi. Erion Veliaj dhe Edi Rama janë përgjegjësit e drejtpërdrejtë të vjedhjes së shekullit!” shprehet ai.
Discussion about this post