Një ngjarje e pakëndshme i ka ndodhur gazetare sportive të ‘Toscana TV’ Greta Beccaglia, teksa ishte duke raportuar live jashtë stadiumit të Empolit, në ndeshjen e kësaj skuadre ndaj Fiorentinës.
Ajo ishte duke raportuar në një moment kur i afrohen tifozët e Fiorentinës dhe e ngacmojnë seksualisht, duke e qëlluar në të p*sme.
Duke folur në lidhje me këtë ndodhi të sikletshme gazetarja tha: “Jam gjithnjë e më e zhgënjyer me atë që më ka ndodhur. Mezi kam fjetur, por mund t’ju siguroj një gjë. Unë kam tashmë, nëse është e mundur, edhe më shumë dëshirë të jem gazetare. Dhe jam gati të kthehem në stadium”.
Gjestin, që prej dy ditësh komentohet nga e gjithë Italia, Greta e tregon kështu: “Nuk e besoja se mund të më ndodhte një gjë e tillë. Unë kam qenë korrespondente në shumë stadiume dhe asgjë nuk më kishte ndodhur ndonjëherë. Madje kam raportuar nga dalja e “Bombonera” në Buenos Aires për një ndeshje të Bocas. Dhe, mendoni, praktikisht edhe atje isha veshur njësoj si dje. Edhe kameramani që ishte me mua më tha se nuk kishte parë diçka të tillë në 40 vite. Tani jam në kontakt me policinë, sepse dua t’i shkoj deri në fund kësaj historie”.
Ndërkohë raportohet se policia e ka identifikuar tifozin e Fiorentinës, i cili pas ndeshjes së 27 nëntorit ndaj Empolit ngacmoi gazetaren Greta Beccaglia, teksa ajo ishte duke raportuar drejtpërdrejt për një emision sportiv.
Aktualisht nuk po merren masa konkrete, pasi policia është në pritje të raportit të gazetares, e cila ende nuk është paraqitur pranë autoriteteve për denoncim./K.T/Gijotina.com
Discussion about this post