Ronela Hajati ndezi skenën e Eurovision mbrëmjen e sotme me performancën e saj duke u ngjitur e para në skenë. Gjithçka u duk se shkoi shumë mirë me Ronelën që dhuroi një performancë të zjarrtë dhe provokuese rreth të cilës është folur gjatë këtyre ditëve.
Mirëpo, artistja shqiptare ka pasur edhe një moment të sikletshëm. Ndonëse për të qenë më komode ajo i kishte kapur flokët, gjatë performancës i janë ngatërruar me mikrofonin.
Megjithatë, Ronela e ka menaxhuar shumë mirë sikurse mund ta shihni në videon e mëposhtme dhe askush nuk e vuri re. Ajo shihet tek ngre flokët lart dhe rregullon mikrofonin duke vijuar me performancën e saj.
Artistja shqiptare dhuroi një super performancë shpërthyese sikurse kishte paralajmëruar. Ajo na përfaqëson me këngën “Sekret” që në versionin përfundimtar erdhi në gjuhën shqipe dhe atë angleze.
Performancës së Ronelës iu bashkëngjit edhe ajo e balerinëve profesionistë udhëhequr nga Klaudia Pepa. Ovacionet dhe duartrokitjet e publikut në sallë ishin të shumta teksa janë votat e njerëzve, jashtë Shqipërisë, që do vendosin “fatin” e Ronelës nëse ajo do shkojë apo jo në finale.
Discussion about this post