VIDEO – Ja si u godit me thikë 41-vjeçari në “Bllok”

Publikohen pamjet e plagojes me thikë të 41-vjeçarit Eder Dorzi në një lokal në zonën ish-bllok në Tiranë.

Maren Hoxha dhe Heridon Hasa, sic duket nga pamjet e publikuara në media, kanë hyrë në lokal dhe janë ulur në tavolinën e Dorzit, i cili shoqërohej edhe nga një person tjetër.

Hoxha dhe Hasa i kanë kërkuar shoqëruesit të 41-vjeçarit që të blinte një paketë cigareje më pas duke përfituar nga momenti kanë sulmuar me thikë 41-vjeçarin.

41-vjecari edhe pse i goditur disa herë me thikë Dorzi ka arritur të dalë nga lokali dhe të kërkojë ndihmë.

Më pas, kalimtarët e rastit kanë njoftuan ambulancën dhe Policinë. Dorzi dëshmoi në spital para një oficeri policie, ku tregoi ngjarjen dhe edhe identitetin e personave që e sulmuan me thikë.

Një nga autorët, Maren Hoxha, u arrestua disa ditë më parë.

Eder Dorzi rezulton një emër i njohur për policinë. Ai është arrestuar disa vite më parë, pasi ishte në kërkim ndërkombëtar në Itali – ndaj tij ishte ishte lëshuar urdhër arrest nga gjykata e Milanos si i përfshirë në një organizatë kriminale dhe prostitucion.