Publikohen pamjet nga grabitja e ndodhur në një pikë të këmbimit valutor në zonën e Astir në Tiranë.
Nga video e mëposhtme, shihet se autori i maskuar dhe i armatosur vjedh një shumë të madhe parash, rreth 40 mijë euro.
Momenti është filmuar nga kamerat e sigurisë, dhe siç shihet nga pamjet e publikuara nga News 24, autori sapo gjen derën e Exchange hapur, hyn me shpejtësi brenda ku ishin dy punonjëse, dhe pasi i kërcënon ato dhe shtyn njërën prej tyre, merr disa para dhe i fsheh në trup.
Ndërkohë, duke i kërcënuar me armë, ai kontrollon sirtarët për të tjera para, ndërsa një prej vajzave ulet përtokë e tmerruar. Pasi merr paratë, autori, që është veshur me kostum të zi dhe në fytyrë mban një maskë anti-covidi, largohet me shpejtësi nga vendngjarja. Ai dyshohet se u largua me biçikletë pas grabitjes.
Discussion about this post