Toni Kroos është një nga lojtarët më të mirë në rolin e tij. Mesfushori është prej vitesh një lojtar kyç në formacionin e Real Madrid, i cili ka mbajtur siç duhet edhe “çelësat” e mesit të fushës.
Gjermani ka një ritual që për shumë futbollist mund të quhet i pakuptueshëm në ditët e sotme. Pavarësisht milionave që ka në arkat e tij, mesfushori gjerman refuzon të ndërrojë këpucët e tij të futbollit. Lojtari i Realit kujdeset për to si t’i kishte fëmijë, teksa i pastron gjithnjë vetë dhe nuk lejon punonjësit e klubit t’i shërbejnë.
Përpara ndeshjes në Champions League me Shakhtar Donetsk, klubi spanjoll ka shpërndarë një video ku shihet Toni Kros me këpucët e tij në dorë dhe një tharëse flokësh.
Mesfushori i “Los blancos“ ka ngrohur këpucët e tij, ndërsa pranon se e bën diçka të tillë gjatë gjithë jetës.
“Kam gjithë jetën që e bëj këtë. Sidomos këtu, ku është pak më ftohtë. Të paktën këmbët e mia janë të ngrohta“, ka thënë Toni Kros.
Në një intervistë të mëhershme, lojtari ka rrëfyer edhe marrëdhënien e tij të veçantë me takat e tij, të cilat nuk ndërronte asnjëherë.
? ¡ALUCINA!
☺️ Mira como prepara @ToniKroos sus botas para el entrenamiento
? #Golazo pic.twitter.com/cTbgmal4KR
— El Golazo de Gol (@ElGolazoDeGol) October 11, 2022
Discussion about this post