Belind Këlliçi, kandidati i opozitës për bashkinë e Tiranës, vuri në dukje sot se “një problem i heshtur, por i rrezikshëm po e kërcënon Tiranën tonë të dashur: Ky armik i qytetarëve është nepotizmi i bashkisë së Erion Veliaj”.
Mesazhin e tij, Këlliçi e përcolli nëpërmjet një videomesazhi, ku publikoi emër për emër, të gjitha punësimet nepotike në bashkinë e Tiranës.
“Korrupsioni në bashki penalizon qytetin dhe qytetarët, – theksoi Këlliçi. – . Ështe një fenomen që na kushton të gjithëve. Përfitues janë vetëm një grusht njerëzish, të gjithë të tjerët humbasin. Duhet të ngremë zërin, të revoltohemi ndaj atyre që shtojnë pasurinë e privilegjet mbi kurrizin e njerëzve. Po të bëhemi bashkë e mundim korrupsionin. Me 14 maj fiton qyteti dhe qytetarët!”
Discussion about this post