Kandidati i koalicionit opozitar “Bashkë Fitojmë” për bashkinë e Tiranës, Belind Këlliçi gjatë një takimi me të rinj e të reja në kryeqytet, e ka vënë theksin te nevoja e përfshirjes më të madhë e brezit të ri në vendimmarrje.
Ai premtoi se me ardhjen në krye të bashkisë 30 përqind e administratës në këtë institucion do të jenë nën moshën 35 vjeç.
Këllici ka renditur edhe njëherë prioritetet e tij për zhvillimin e qytetit, si transporti falas, ndërtimi i nënkalimit te ‘Sheshi Skenderbej’, si dhe i disa nënkalimeve të tjera në zona të tjera të qytetit, ndërtimi i kopshteve e shkollave të reja, ulja e taksave, krijimi i hapësirave të gjelbërta, ku do të përfshihen edhe ndërtimi i 500 oazeve si dhe krijimi i hapësirave për parking në qytet.
Discussion about this post