Belind Këlliçi, kandidati i opozitës për bashkinë e Tiranës, ka vizituar sot Kryegjyshatën Botërore Bektashiane me rastin e festës së Sulltan Novruzit dhe ka uruar prej andej, qytetarët shqiptarë.
“Nga Kryegjyshata, iu uroj gëzuar Sulltan Novruzin, bashkëqytetarëve tanë të besimit bektashi! Bektashizmi në Shqipëria ka sjell besim, ka frymuar tolerancë dhe atdhedashuri.
Teqetë kanë qenë jo vetëm qendra besimi, por edhe shkolla shqipe. Siç thoshte Naim vjershëtori: ‘Kjo ditë është një ditë e re që përsëritet moti, lind vera, lind ngrohtësia, lind Aliu, lind vetë Zoti.’
Uroj me zemër komunitetin alevian dhe klerikët e tarikatëve Halveti, Kaderi, Rifai dhe Saadi, për këtë ditë të shënuar!”, tha ai.
Discussion about this post