VIDEO/ Këlliçi: Rrugët e paguara me flori nga qytetarët përmbyten

Kandidati i Partisë Demokratike për Bashkinë e Tiranës, Belind Këlliçi ka publikuar pamje nga rrugët e përmbytura të Tiranës.

Në një postim në Facebook, ai shkruan se rrugët, që janë paguar ‘me flori’ nga shqiptarët, referuar kostos të ndërtimit të tyre, sot përmbyten nga shiu. Këlliçi shton se aktualisht Tirana nuk administrohet, por vidhet.

Postimi i Këlliçit:

Rrugët janë paguar me flori nga shqiptarët. Edhe ato pak që i kemi të sakta na gërryhen nga vërshimet e ujërave. Ndodhem në Rr. “Kongresi i Manastirit”. Ky është rezultati i shqepjeve të UKT-së që bashkia i quan punime dhe i fotografon si suksese historike.

Tirana nuk administrohet. Tirana vidhet. Ne duhet ta ndryshojmë Tiranën! T’i japim të gjithë një mundësi vetes të jetojmë në një qytet normal, ku punën e kryebashkiakut ta shikoni në rrugët dhe lagjet tuaja e jo në fotografi të retushuara.