Një udhëtim i nisur për të kryer një vëzhgim dhe ndërtuar një reportazh për masivin pyjor të Munellës, pretendent për t’u futur në listën e zonave të mbrojtura dhe i njohur për praninë e rrëqebullit të Ballkanit, ka shkuar keq për 4 persona, 1 prej tyre gazetari i njohur Alfred Lela.
Gazetari Lela së bashku me një operator dhe dy eksplorues janë nisur drejt malit të Munellës në 2 mijë metër lartësi, por ndoshta nga një pakujdesi e shoferit, mjeti ka dalë nga rruga dhe ka përfunduar në greminë.
Deri tani dyshohet për 4 persona të plagosur, mes tyre dhe gazetari, por ende nuk është e qartë gjendja e tyre.
Policia është nisur sapo është lajmëruar për t’iu ardhur në ndihmë, por terreni i vështirë malor dhe kushtet atmosferike kanë vështirësuar gjetjen e të aksidentuarve.
Discussion about this post