Klajdi Musabelliu ishte shkëputur prej vitesh nga muzika, pasi jeta e vështirë e kishte detyruar të ndiqte rrugën e emigrimit.
Mirëpo, hyrja në “Big Brother Vip” i ndryshoi Klajdit rrjedhën e jetës.
Përveçse iu sigurua rikonstruktimi i shtëpisë, këngëtari i është rikthyer gjithashtu muzikës.
Në një intervistë të bërë së fundmi, Klajdi tregoi se tashmë ka bërë një këngë me Irkenc Hykën, si dhe pret të bëjë bashkpunime të tjera.
“Unë nxjerr këngën e re me Irkencin. E kam kënduar edhe në “Portokalli” ekskluzive. Pas kësaj pres edhe bashkëpunime me çunat, me Petron. Avash – avash”.
Më tej Klajdi shtoi se:
“Unë e kam thënë pafund që në këtë “Big Brother” mua mu rikthye buzëqeshja. Edhe pse nuk qesha ndoshta aq sa duhej apo sa doja por sigurisht që mora një frymëzim shumë të madh. Shumë shtysa kam marrë në këtë Big Brother”.
“E Bukur” (SiDoReLa) Një këngë e krijuar me pasion dhe mjeshtëri nga Irkenc Hyka, me tekst të shkruar nga Irkenc Hyka Anxhela dhe Peristeri dhe Petro Xhori, të cilët së bashku me ekipin e talentuar të “VGA” bënë të mundur realizimin dhe finalizimin e këtij videoklipi muzikor. “E Bukur” është më shumë se një këngë… është një dhuratë e shtrenjtë dhe e veçantë që më rikthen në skenë, aty ku zemra ime rreh më fort dhe arti merr jetë. Një falënderim i përzemërt për Irkenc Hyka, Anxhela Peristeri Petro Xhori, Xhumill, VGA, dhe Fole Publishing për besimin, përkushtimin dhe profesionalizmin e tyre në këtë rrugëtim artistik. Pa ju, kjo ëndërr nuk do të ishte bërë realitet. Me mirënjohje dhe dashuri!
Discussion about this post