Komandanti i Forcave të Mbrojtjes, Sergei Nayev, ka bërë sot një deklaratë të fortë për situatën në Ukrainë. Ai ka zgjedhur Konsullatën shqiptare të Nderit në Kharkivit për të dhënë një mesazh, që na tronditi të gjithëve. Ai është shprehur i keqardhur që jemi në një kohë ku teknologjia, dijet dhe demokracia kanë avancuar, ndërkohë Ukraina po përballet me krime lufte dhe veprime çnjerëzorë.
“Nuk mund ta imagjinoja kurrë se kjo mund të na ndodhte në shekullin e 21-të, kur njerëzit po eksplorojnë Marsin. Por jam i sigurt se së shpejti do të fitojmë dhe rivendosim gjithçka, dhe do të kemi një vend të begatë dhe një qytet të rehatshëm për të jetuar”, thuhet në mesazhin e dhënë prej tij.
Ndërkohë, pamjet në video fillojnë me Konsullatën shqiptare, zyrën dhe dyqanin që janë totalisht të shkatërruar në “Akademik Proskura 1” dhe duket një situatë tepër e trishtë.
Discussion about this post