Majlinda Kelmendi është e para xhudiste e cila mundi të fitonte medalje Olimpike për Kosovën. 30-vjeçarja nga Peja ka grumbulluar dy tituj të kampionatit botëror, katër evropianë dhe një medalje ari olimpike për kategorinë e grave deri në 52 kilogramë në Lojërat Olimpike ‘Rio 2016’.
Ajo numëron plot 18 medalje të IJF World Tour dhe katër fitore të njëpasnjëshme në Grand Slam prestigjioze të Parisit.
Ndërsa pak kohë më parë Kelmendi deklaroi daljen në pension nga garat e xhudos. Teksa në lidhje me këtë lajm ka reaguar edhe Komiteti Olimpik Ndërkombëtar, i cili ka publikuar momentin kur ajo fitoi medaljen e arit në Rio dhe shkruan: “Legjenda e xhudos Majlinda Kelmendi ka njoftuar se do të tërhiqet nga garat e xhudos. Ajo bëri histori në Rio 2016 kur u bë medalistja e parë e artë olimpike e Kosovës.”
Ndërsa në ‘Tokio 2020’ ishin Nora Gjakova dhe Distria Krasniqi, që morën medalje të arta në kategoritë e tyre përkatëse. Ato të dyja i kanë dhënë meritat Kelmendin për frymëzimin dhe mbështetjen që u ka dhënë në këtë rrugëtim./K.T/Gijotina.com
