Drejtori i Përgjithshëm i Policisë Muhamet Rrumbullaku u duk i acaruar nga pyetjet e gazetarëve ditën e sotme. Gjatë konferencës për mediat, Rrumbullaku nuk ka pranuar që të përgjigjet në çfarë faze janë hetimet për zhdukjen e Ervis Martinat, por i ka kërkuar gazetarit që tu japë mundësi dhe kolegëve që të bëjnë pyetje. Pasi nuk pranoi që të fliste, Rrumbullaku mbylli konferencën dhe u largua.
Pyetje: Drejtor Rrumbullaku, a keni dijeni se deri ku kanë shkuar hetimet në lidhje me zhdukjen e Ervis Martinajt?
Muhamet Rrumbullaku: Po kam një përgjigje për ju. Lëri dhe kolegët e tjerë të bëjnë ndonjë pyetje. Mirupafshim.
Më herët gjatë konferencës, ai i bishtnoi edhe pyetjes për Ervin Muçën, ish-drejtorin e IT në Policinë e Shtetit, tashmë nën arrest me burg pasi akuzohet se vodhi të dhënat e sistemit TIMS.
Pyetje: Pse emëruat në krye të drejtorisë së Teknologjisë së Informacionit një person pa certifikatë siguri dhe në kohën kur plasi skandali i TIMS dhe pse e rikthyet në detyrë pasi kishte pak ditë pasi i kishit pezulluar?
“Për ju dhe për publikun e gjerë, para se të adresoni pyetjen duhet të dini shumë mirë legjislacionin shqiptar në lidhje me informacionin e klasifikuar sekret shtetëror dhe procedura dhe aktet normative që normojnë punën për procedurat që ndiqen për pajisjen me certifikatë sigurie për të gjithë drejtuesve policore. Unë për këtë jap llogari në dy institucione, drejtësisë dhe komisionin hetimor parlamentar”, tha Rrumbullaku.
Discussion about this post